As daar \u00e9\u00e9n vrug is wat die hartsverlange van die najaar met sy geur vasvang en herinneringe van vergete tye oproep, is dit \u2018n kweper. Die afgeskeepte niggie van Appel en Peer.\u00a0 Met haar pragtige, rosige bloeisels, knoetsige stam en grysgroen blare is hierdie donsbedekte goue vrug onbekend en ongeliefd by baie.\u00a0 Kyk, moenie jou om die bos laat lei deur di\u00e9 niggie nie:\u00a0 sy is glad nie voor op die wa soos Appel en Peer nie en dit vra heelwat werk en liefderyke aanpor om haar tot haar reg te laat kom.<\/p>\n
Baie mense het geen idee wat \u2018n kweper is as hulle dit die eerste keer teekom nie.\u00a0 En nog minder mense dra kennis van hoe om die vrug te gebruik.\u00a0 Kweper is die Bybelse tydgenoot van granate, vye en olywe, al word dit nie soos die ander drie in die Bybel genoem nie.\u00a0 Volgens oorlewering was dit \u2018n kweper waarvoor Eva geval het in die Tuin van Eden en nie \u2018n appel nie. En hoe verleidelik \u00eds die reuk van \u2018n ryp kweper nie!<\/p>\n
Van verleiding gepraat: As jong vrou was my ma se hartsbegeerte dat my pa vir haar \u2018n Bybelse tuin aanl\u00ea, met Mediterreense vrugte.\u00a0 Oor my ma \u2018n begeerte gehad het na olywe en kwepers, maar ook omdat sy \u2018n meester van die Lang Plan was.\u00a0 Wat klaarblyklik besef het dat ledigheid die duiwel se oorkussing is \u2013 en dat \u2018n man met \u2018n mo\u00eb lyf en seer rug nie so vatbaar is verleiding nie.\u00a0 Ma is reeds die Ewige Rus in, maar steeds ywer Pa aan die olyfoes en kweperoes, en die verwerking daarvan.\u00a0 Lang plan inderdaad.<\/p>\n
Cydonia oblonga\u00a0<\/em>is inheems aan die groter Midde-Ooste en groei in klipperige berghange en aan die soom van woude.\u00a0 Die kweper was bekend aan die Akkadi\u00ebrs en die koninkryk van Akkad word wel in die Bybel genoem.\u00a0 My punt is dat kwepers dalk wel in die Bybel genoem word, maar nie by die naam kwepers nie.\u00a0 Dink maar aan die mooi verse in Spreuke en Hooglied \u2013 dis is mos nie moontlik dat die skrywer na Oumatjie Smit verwys het nie!<\/p>\n Die eetkweper is familie van die blomkweper en die Chinese kweper, vandaar dat hulle blomme se vorm ooreenkom.\u00a0 Die kwepervrug se vorm verskil van kultivar tot kultivar \u2013 van appelvorming tot peervormig \u2013 vandaar dat die Nederlanders dit \u2018n kweepeer of kweeappel noem, of gesamentlik die kwee\u00ebrs en die boom waaraan dit groei, \u2018n kweeboom.\u00a0 Maar dit daar gelaat.<\/p>\n Kwepers kan oud word \u2013 ouer as die meeste mense \u2013 dit is dus goed om \u2018n kweperboom met die nodige ontsag te behandel as jy haar teekom.\u00a0 Die beste kweper vir inmaak en jellie, is\u00a0Cape Selected,\u00a0<\/em>wat \u2018n wit, romerige vleis het en \u2018n ho\u00eb pektiengehalte. Volgens Leipoldt is die kulivar\u00a0Borrie<\/em>, (\u2018n borriekweper, Dude\u2026) waarvan die vleis geel en smaak baie aromaties is, die beste geskik vir bredies.\u00a0 Die beste kweper vir nageregte is\u00a0Orange<\/em>[1]<\/strong><\/a><\/sup>. Maar alle voorspoed om hierdie erfeniskultivars te probeer opspoor.<\/p>\n Soos ges\u00ea ruik kwepers lieflik lekker en hulle lyk aanloklik, maar jy pluk nie maklik \u2018n kweper van die boom af en eet haar daar en dan op dat die sop oor jou ken loop nie.\u00a0 \u2018n Dro\u00eb kultivar staan ook as \u2018n wurgkweper bekend (Afrikaans, Afrikaans die taal van my hart\u2026).\u00a0 Nee \u2013 veel meer subtiel moet jy te werk gaan.\u00a0 Dit is wel een van die min vrugte wat jy vars kan eet met \u2018n strooiseltjie\u00a0sout<\/em>\u00a0daaroor.. En is dit nie eenvoudig detailbeplanning bokant ons begrip en verstand dat kwepers in die herfs ryp word wanneer die behoefte aan bredies en ander gestoofde geregte ewe skielik in jou binneste begin roer\u00a0 nie?\u00a0 En nog steeds is daar bysiendes wat nie glo in \u2018n Ho\u00ebr Hand nie.<\/p>\n Kweper is \u2018n veelsydige vrug en is dankbaar om in vleisgeregte, soet terte, souse en blatjangs en allerhande lekkernye gebruik te word. Kweper is heerlik in \u2018n lamsbredie en ewe lekker op sy eie gestoof met \u2018n stukkie kaneelstok of steranys.\u00a0 Kweper se skil word dun en sag met gaarmaak, anders as appels en pere, en die vleis verander van \u2018n roomkleur of ligroos na \u2018n diep robynrooi kleur hoe langer dit gekook word.\u00a0 As kwepers dus in seisoen is, moet jy inspring.\u00a0 Vars kwepers vries verbasend goed vir \u2018n maand of drie:\u00a0 skil die vrugte, sny in w\u00eee, verwyder die stronke en doop in vars water waarby \u2018n goeie skoot suurlemoensap gevoeg is.\u00a0 Of, was die vrugte goed, sny in die helfte en vries net so.<\/p>\n \u2018n Omvattende versameling resepte vir kwepergeregte is te vinde by Errieda du Toit se blog, Huiskok[2]<\/a><\/sup>.\u00a0 Die resepte wat hier verskyn is vir suiwer, onvervalsde kwepers wat jy gerus kan probeer om jou kweperlus te stil.<\/p>\n Doodeenvoudig en lekker om te eet saam met vark- of wildsvleis.\u00a0 \u2018n Paar skyfies teen drieuur smiddags as jy flou voel, smaak vorentoe en verrig wondere.\u00a0 Bottel terwyl dit kokend warm is in gesteriliseerde flesse en verse\u00ebl vir latere gebruik.<\/p>\n Was die kwepers af en sny in skywe.\u00a0 Verwyder die klokhuise, maar voeg \u2018n paar kweperpitte by die skywe vir \u2018n dieper kleur.\u00a0 As jy wil, kan jy die kweper skil, maar dit is ekstra werk.\u00a0 Voeg die ander bestanddele by en stowe stadig tot sag met \u2018n dikkerige stropie.<\/p>\n Ma het graag kwepers in die Aga-stoof gebak \u2013 lank en rustig \u2013 sodat die hele huis naderhand na kwepers geruik het.\u00a0 Dis so maklik soos val uit \u2018n kweperboom uit:<\/p>\n Pak die opgesnyde helftes met die velkant na bo in \u2019n kastrol. Sit \u2019n stukkie kaneelstok of steranys in die kastrol en gooi die water by. Strooi nou die suiker oor, sit die deksel op en stowe 1 \u2013 1\u00bd uur sag in \u2019n oond (160 \u00b0C). \u00a0Eintlik hoe langer, hoe mooier word die kleur.\u00a0 \u2018n Bietjie suurlemoensap daarby kan ook nie kwaad doen nie.<\/p>\n Kweperkaas is \u2018n veelsydige en heerlik om te eet saam met kaas, op soutbeskuitjies, op roosterbrood of in \u2018n toebroodjie of as jy lus het vir \u2018n soetigheidjie.\u00a0 Dit kan selfs gebruik word as vulsel in konfyttertjies.<\/p>\n Was die kwepers, skil hulle en sny die klokhuis (stronk) uit en sny op in 1.5 cm blokke. Weeg die kwepers af. Plaas al die bestanddele in \u2018n swaarboomkastrol en verhit oor medium hitte en roer totdat die suiker gesmelt is.\u00a0 Prut oor lae hitte en roer af en toe totdat \u2018n die mengsel \u2018n\u00a0 temperatuur van 105 grade C bereik. Dit sal \u2018n uur of meer neem en die kwepers sal \u2018n mooi robynrooi kleur aanneem.<\/p>\n Smeer \u2018n langwerpige of vierkantige glasbak van so 20 cm x 20 cm.\u00a0 Puree die kwepermengsel in die kastrol met \u2018n handpureerder tot glad.\u00a0 Gooi die warm mengsel\u00a0 in die glasbak en maak glad bo-op.\u00a0 Laat afkoel tot kamertemperatuur en bedek dan met plastiekfilm.\u00a0 Verkoel die kweperkaas tot dit ferm is dop uit die glasbak.\u00a0 Plaas die blok op \u2018n plat sif (soos \u2018n afkoelrakkie) bo-op \u2018n oopgesnyde plastieksak en laat vir so vir 10 \u2013 14 dae verder droog word op \u2018n koel, dro\u00eb plek.\u00a0 Draai die blok elke dag om.\u00a0 Sny in kleiner blokke en draai indiwidueel toe in plastiek, of sny in lekkergoedblokkies en rol die blokkies in strooisuiker voordat dit lugdig verpak word.<\/p>\n [1]<\/a>\u00a0Eve Palmer, Return to Camdeboo \u2013 lees dit sommer weer vir die lekkerte<\/p>\nGestoofde kwepers<\/u><\/h3>\n
\n
Gebakte kwepers<\/u><\/h3>\n
\n
Kweperkaas<\/u><\/h3>\n
\n