Die oorspronklike resep kom van Arina du Plessis van Landbouweekblad af. Hier is ons weergawe. Baie dankie Arina!
Kors:
- 120 g botter
- 200 g bruismeel
- 30 ml suiker
- ½ t sout
- 1 eiergeel
- 45 – 60 ml yswater
- 45 – 60 ml vyestroop
Smeer ‘n losboom-tertbord van 30 cm. Tol die botter en droë bestanddele in ‘n voedselverwerker tot krummelrig en gemeng. Voeg die eiergeel by en bietjies soutwater totdat ‘n deegbol vorm. Rol uit en voer die tertbord uit. Verf die kante en bodem van die deeg met die vyestroop, prik die bodem en verkoel vir 30 minute of langer.
Vulsel:
- 100 g gerasperde gouda
- 250 g roomkaas
- 30 g botter
- 60 ml suiker
- 2 eiers, geskei
- 30 ml room
- 30 ml bruismeel
- 250 ml groenvye (6 of 7, afhangend van hul grootte), elk in 4 skywe gesny
Verhit die oond en 180 grade.
Klop die kase saam. Verroom die botter met die helfte van die suiker, die eiergele en room en meng met die kaasmengsel. Roer die bruismeel by.
Klits die eierwitte styf en voeg ‘n knip sout en die res van die suiker by. Klits tot gemeng. Vou by die vulsel in.
Skep in die kors en rangskik die vyeskywe bo-op. Bak vir 20 minute. Verlaag die temperatuur na 160 grade en bak vir nog 15 minute tot goudbruin.
Sit teen kamertemperatuur voor vir ‘n nagereg wat beide die Soeters en Stouterds sal verras!
Leave a Reply
Want to join the discussion?Feel free to contribute!